JO-KARACHUONYO
Kuom mano Omieri nodhi oomo nyar owadgi mokeloni Rachuonyo nimar ne oneno ka Rachuonyo ema omiyo kare oneno. Nyakono e Nyaluo chi Rachuonyo maduong’, kata kamano Nyaluo nokuongo otamore bedo chi Rachuonyo nimar ne ok onage, mano nochuno Rachuonyo mondo odhi ka janak kata obedoni nosebedo ng'at maduong' kamano.
Jago
mane onage niluongoni Mango J'Agoro
janak mang'ula. Nokawe
odiechieng' mangima mondo onage, Rachuonyo nodhil ka rombo midwa yang'
nyakane ogol lekene. Kuom mano nokawo Nyaluo
nyar g'Omieri modoko chiege.
Nyaluo nonyuolo wuoyi maduong' noluongeni Omo
mago ejoma ogero Kamenya, nochako onyuolo wuoyi machielo miluongoni Obila
ogero Kobila gweng'gi Jagoro Leonard Odiero ma bende okonyowa gi
thuond weche kuom dak jo-Karachuonyo. Omuoyo
nodoko wuoyi mar adek giriwore ei Kobila, nochako onyuolo wuoyi
machielo miluongoni Owuor gigero
Kowuor ei Karachuonyo ma Imbo dalagi ja-siasa ma ratipo Mig. Joseph
Gogo Ochok gi Njika dhoge Ayier.
Nyathi machogo iluongoni Amolo
ema ogero jo-Kamolo. Nyaluo nonyuolo nyiri buora to kar rombgi ok oyangore
maler.
Bang’e negi tiyo matek ma Rachuonyo ochako bedo kod muandu, kendo Rachuonyo nomedo dhako mar ariyo nyinge en Achieng' Nyajuok noyudo nying'ni kaluwore gi timbege mag juok en bende nonyuolo yawuoyi moko buora; kaka Njira masani ogero Kanjira dalagi Jagoro Fredrick Oketch ma bende osetiyo matek ahinya kuom loso weche kod kit dak jo-Karachuonyo.
Nochako onyuolo Okoth
mogero Kokoth dalagi jagoro machielo; John Eric Opiyo. Wuoyi mar adek en Dhimu mogero
Kakdhimu dalagi Mig. Okiki Amayo. Wuoyi machielo iluongoni Nam
mogero Kanam gweng'gi jathum mong'ere ahinya ei Luo mangima Mig. Olima
Anditi Jakogol kod Jamwandu miluongo ni Mig. Alfred Ogwago mane
bende okonyo kuom gero sikul
Alara Sekondari.
Rachuonyo
nonyuomo dhako mar adek; Nyipir
sani lange iluongoni jo-Kanyipiri dalagi
Mig.Omolo Agar mane ja-od bura (mbunge)
mar Karachuonyo higni mathoth
mosekalo.
Bang'e
nochako onyuomo dhako mar ang'wen; Auma
mogero dhood jo-Kauma e dho-nam mwalo kocha.
Chi Rachuonyo mar abich en; Adwet Nyar Maragol nonyuolo yawuoyi kaka Onyango, Kwajuok, Nyadhiang', Ogweno, Rabondi, kod Otieno; magi ema sani oloso gwengegi; Konyango, Kakwajuok, Kanyadhiang', Kogweno, Karabondi kod Kotieno. Chon nopog Karachuonyo diriyo Imbo (West) gi Ugwe (East).
Ruodhi
mokwongo rito gwengego gin; Karachuonyo ma Imbo; Mig. Benjamin Awino
kod Karachuonyo ma Ugwe norit gi Mig.Zephania Malit Rweya. Kuom
mano mond Rachuonyo duto gin: (Omieri,
ok nokwan kaka chi Rachuonyo nikech en chi atera, kata kamano en ema ogolo
dala Rachuonyo oko), Nyaluo,
Achieng Nya-juok, Nyipir, Auma kod
Adwet nyar-Maragol.