JOKA-SAKWA

Sakwa en owad g’Olole. Onyuolo yawuoyi adek kende, joma sani odak ei pinyno to jodak; Rabuor en jadak nobiro mana g’abuoro koa ei nam. En ja-Kaksingri mago joka Girango.

Owak: ok en ja Sakwa nonyuole katera. Miyawa modak ei Sakwa en wuod Alego maduong’, nolokore ja-Sakwa kama; kane chi Alego obiro gi ich to monyuolo wuoyi, kaka joluo ne ok ohero kimirwa (nyathi ma min obiro gi ichne) omiyo Alego nomayo Miyawa duong’ to omiyo Seje. Alego ne ok okawe kaka wuode ngang’. Kaka jodak sani okikore ei Sakwa omiyo sani ji goyo ngero ni “Sakwa or owadgi”, nimar gi nyuomore kendgi.

Moth: onyuolo yawuoyi adek; Were, Julu gi Atieno magi e joka-Nyamkago ma sani odak but sikul Rapogi ei South Nyanza. Nyamkago ok en nying’; nying’ni nowuok kuom asere mane gikedo godo mane dhoge okagore ma kane ochuoyi to ok pudhi isoke mana kodhi iye.

Owino: ogero Kagan ei South Nyanza machiegni gi Rangwe mano e gweng’ monyuolie Ochuodho Christopher nyakwar Nyunja, kod yawuoyi ma moko.

Mot:  odak Tanzania.

Julu: onyuolo yawuoyi adek; Menya, Adero kod Nyimony.

Menya onyuolo Oda, Rateng’ kod Ogweno. Gidak milambo.

Joka-Menya nodar odhi milambo nikech weche mag juok, mago e ka-Menya modak milambo sani gin oganda mathoth ahinya.

Jagoro kendo jarit od Twak; Mikayi Adhiambo Nyar Kochogo
Copyright © 2004 by [Joluo dot Kom]. All rights reserved.
Revised: 12 Aug 2004 00:32:34 +0200 .